Muqdisho – Janaayo 24, 2025, Ururka Warbaahinta Soomaaliyeed (SOMA) ayaa soo gabagabeeyey tababar laba maalmood oo u socday xubnaha ku mideysan Habka Soomaaliyeed ee Badbaadada Saxafiyiinta (SMSJ).
Aqoon-is-weydaarsigan ayaa 21-kii iyo 22-kii Janaayo, 2025, lagu qabtay Hotel Jazeera ee magaalada Muqdisho. Waxaa seminaarka soo qaban qaabisay SOMA oo gacan ka heleysa Ururka Caalamiga ah ee taageerada Saxafiyiinta (IMS).
Waxaa tabbarka ka qeyb galay wakiilo ka kala socday ururada xubnaha ka ah SMSJ, oo ay ka mid yihiin: SOMA, SJS, SWJO, MAP, FESOJ, SIMHA, iyo MWN, iyadoo ujeedadu tahay in kor loo qaado aqoonta hoggaanka, isku xirnaanta isku xirnaanta, habka u doodista iyo xeeladaha hawlgalka ololeynta.
Aqoon-is-weydaarsiga waxaa casharo ka bixiyay khabiirka Ibrahim Njoroge Kimani, wuxuuna diiradda k saaray mabaadi’da hoggaamineed ee muhiimka ah, dhisidda isbahaysiga, iyo dhaqdhaqaaqa isku-xirnaanta ee waxtarka leh.
Ka qaybgalayaashu seminarka waxay heleen faham buuxa oo ku saabsan hoggaanka iyo shaqada isbahaysiga, waxay aqoonsadeen faa’iidooyinka hoggaaminta wax ku oolka ah ee lagu gaarayo ujeedooyinka isbahaysiga ee u doodista iyo u ololaynta.
Intaa waxaa dheer, tababarku waxa uu horumariyay kartida ka qaybgalayaasha si ay si hufan ugu maareeyaan shabakadaha iyaga oo aqoonsanaya awooddooda hoggaamineed iyo qiimaynta sifooyinka kuwa kale.
Jawaab-celinta ka-qaybgalayaashu waxay ahayd mid aad u wanaagsan, iyada oo qaar badan ay xoogga saareen inuu tababarka kusoo beegmay xilli ku haboobaa iyo dhaqangalkiisa oo la taaban karo.
Maxamed Cabdiwahaab, Xoghayaha SOMA, ayaa yiri: “Tababarku wuxuu wax weyn ka beddelay fahamkaygii hoggaaminta waxtarka leh. Hadda waxaan haystaa xirfad dhamaystiran oo ii suurtagelineysa inaan gaaro go’aamo xog ogaal ah wada shaqaynta iyo wada jirka Isbaheysigeena”
Sidoo kale, Guddoomiyaha MAP, Maxamed Daahir Caynsane ayaa isna iftiimiyay, “Kalfadhiga ku saabsan hoggaaminta wax-qabadku waxa uu ahaa mid saamayn gaar ah ku yeeshay, maadaama ay na siiyeen xeelado faahfaahsan oo si hufan loogu dheelli-tiro dhaqdhaqaaqa xubnaha isbaheysiga, si hufan loo maareeyo hawlaha, iyo kobcinta jawi kooxeed”.
